Drog ilag med foreiningsdamer og gubbane til samtlege av oss på da eg kallar for "Øyhopping i Sunnhordland"! Me var på tur i litt over 12 timar. Reiste med minibuss og fire ferjer. Starta i Uskedal, over Årsnes, Ølve, Tysnes, Huglo, Stord, Halsnøy Kloster og tilbake til start. Ein fine dag saman - fekk me oppleva museum med gamle jernovnar, ete god mat og helse på nokre av øybuarane frå Huglo. Det er berre omlag 100 fastbuande der på øya. Kapellet hadde så uvanlege fargar framme ved alteret. Me fekk kaffi og kaker på siderommet. Imponert over samlinga omnar der eit par hadde pussa og gnikka sverte på det som folk hadde kasta på skrothaugar. Til og med "leik og lær"-omnar for born. Dei fleste omnane var frå 1800 og tidleg 1900 -talet. Men, og nokre frå slutten av 1700. Ei lita kårstur fekk me og sjå i. Her var lågt under taket. Antagleg var stova 120 år. Eg tykje svært om denne svunne tida og historia. Fengande å lære og sjå ting som var brukt då. Kan hende det gjer meg innsikt i kor godt eg har da idag? Stor lykke heime att,der sønene våre hadde steikt kylling til kvelds!
Ingen kommentarer:
Legg inn en kommentar